அறக்கட்டளையும் வணிகமும் - 1

வணிக நிறுவனங்களின் , சினமா நடிகர்களின் அறக்கட்டளை என்பது மக்களை பொறுத்தவரை நன்மை தருவதாக இருந்தாலும் அது ஒரு ஏமாற்று வேலை .
-------------------------------------------------------------------------------------------------------------------------------------------
முகேஷ் அம்பானி மனைவி நீத்துஅம்பானி , கேரளாவிற்கு 71 கோடி ரூபாய் நன்கொடையாக வழங்கியுள்ளார் . அதில் 21 கோடி ரூபாயை அரசிடம் நன்கொடையாக வழங்கி விட்டு , மீதம் 50 கோடி ரூபாயை , வீடு கட்ட , பள்ளி , மருத்துமனைகளுக்கு தேவையான பொருள்களாக தருவது என்று ஒதுக்கி உள்ளார்கள் .

வணிகம் என்பது இது தான் .
ஏற்கெனவே paytm  முதலாளி , தான் சிறந்த வணிகன் என்பதை நிரூபித்தது போலவே , அம்பானி தன்னை நல்ல நிர்வாகி என்பதை நிரூபித்து கொள்கிறார் .

ஒரு நாளைக்கு முகேஷ் அம்பானியின் வருமானம் 18 கோடி ரூபாய் .
அவர் அரசுக்கு ஆண்டுக்கு செலுத்தும் வரி வருமானம் 7827 கோடி ரூபாய் .
இந்த தொகையானது , அவர் செலுத்திய நன்கொடைக்கான 80c வரிவிலக்கிற்கு பிறகு செலுத்துவது .
அந்த நன்கொடையை அவர் எங்கு வழங்குகிறார் என்றால் ,
அவரது மனைவி நடத்தும் அறக்கட்டளைக்கு தான் . ஆண்டுக்கு 603 கோடி ரூபாய் நன்கொடை வழங்குகிறார்.
இதில் ,
அவர் மனைவி நேரடியாக மக்களுக்கு உதவுவது போல ,
அம்பானியின் உற்பத்தி பொருள்களுக்கு விளம்பரமும் தருவார் , உதவி என்ற பெயரில் , மண்ணை சுரண்டும் போதும் எழும் போராட்டங்களை தடுக்கவும் செய்வார் .
ஸ்டெர்லைட் தூத்துக்குடியில் , மேட்டூரில் , சேலத்தில் செய்தது போலத்தான் இதுவும் .
ஸ்டெர்லைட் நிறுவனமும் , கேரளாவிற்கு  5 கோடி ரூபாய் வழங்கியுள்ளது .
ஆனால் ,
அம்பானி நிறுவனம் உதவுவது போல மக்களின் கண்களுக்கு தெரிந்தாலும் ,
இனி திருபாய் அம்பானி பள்ளியும் ,
ரிலையன்ஸ் பாவுண்டஷன்  மருத்துவமனையும் கேரளாவிற்கு வரவிருக்கிறது என்பது மட்டும் உறுதி .

சும்மா கிடைக்கவும் , கொடுக்கவும் இங்கு எதுவும் இல்லை .