அட ! நம்மூரு காய்கறிகளா !

கரிகாய் பொறித்தாள்
கன்னிக்காய் தீய்த்தாள்
பரிக்காய் பச்சடி செய்தாள்
உருக்கமுள்ள அப்பைக்காய் நெய் துவட்டல் ஆக்கினாள் !

                        --------------  காள மேக  புலவர்


அத்திக்காயில் பொறி யல் செய்து

வாழைக்காயில் தீயல் செய்து

 மாங்காயில் பச்சடி செய்து

கத்திரிக்காயில் நெய் துவட்டல் செய்து  , என வகைவகையாய்

உண்டிருக்கிறார் காளமேக புலவர் .

 இது  போன்ற காய்கறிகள் தான் உள்ளூர் காய்கறிகள் !

கத்தரிக்காயில் மட்டும் 500 வட்டார வகைகள் இருந்துள்ளது .

பொய்யூர் கத்தரி

 கண்ணாடி கத்தரி

வரி கத்தரி

பச்சை கத்தரி ,,,,, இப்படி இந்த கத்தரி வகைகளே மிக நீளம் !

இதே போல் வெண்டைக்காயும் வகைகளில் சளைத்தது இல்லை .

கண்ணாடி வெண்டை

பச்சை வெண்டை

சிகப்பு வெண்டை

கஸ்தூரி வெண்டை ........ இப்படி இதன் வகையும் மிக நீளம் .

நீர் காய்கறிகள் கூட்டு செய்ய ஏற்றது .

அதென்ன நீர் காய்கறிகள் :

அதாங்க பூசணிக்காய் , வெள்ளரிக்காய் , சுரைக்காய் , பீர்கங்காய் , கோவைக்காய், அத்திக்காய் ஆகியன .

இவை எல்லாம் ரொம்ப விலை குறைவு . ஆனா பெண்களின் உடல் சார்ந்த நோய்களுக்கும், சிறுநீர் பிரச்சனைக்கும் இந்த காய்கறிகள் கொடுக்கும் மருத்துவ சத்துக்கள் மிக  அதி கம் .



இதுல வெண் பூசணி காய் வெள்ளை படுதலை  நீக்கும் .
சுரைக்காய் உப்பு நீரை வெளியேற்றும் . சிறுநீர கல்லை கரைக்கும்.
பீர்கங்காய்  உப்பு கனிம சத்தை கொடுக்கும் 
கோவைக்காய் சர்க்கரையை கட்டுபடுத்தும் 
அவரைக்காய் கொழுப்பை குறைக்கும் 


இந்த உள்ளூர் காய்கறிகள் , கேரட் , முள்ளங்கி , காலிபிளவர்,முட்டைகோஸ் , நூல்கோல், ப்ரக்கொலி இவற்றையெல்லாம் விட பன்மடங்கு அதிக சத்து நிறைந்தது .

வண்ண காய்கறிகளில் மட்டும்தான் சத்துகள் உள்ளது என்று கூறியே ,மருத்துவ உலகம் நம் நாட்டின் இறக்குமதி காய்கறிகளை பெருக்கி அந்நிய செலாவணிக்கும் கேடு விளைவிக்கிறது .

 இதை விட முக்கியமானது நம் நாட்டு கீரைகள் .




"தாளி முருங்கை தளை தூதுணம் பசலை வாளி வறூ கீரை
நெய்வார்த்துண்ணில் ஆளிஎனவிஞ்சுவார் போகத்தில் "

கீரைகள் விந்தணுவை அதிகரிக்க செய்யும் . இவை பக்க விளைவுகள் இல்லாத வயாகரா !

"பொன்னாங்கன்னிக்கு புளியிட்டு ஆக்கினால் உண்ணாப் பெண்ணும் உழக்கு "

என்று கூறிய வரிகளில் பெண்ணுக்கு , பொன்னாகன்னி கீரை எந்த அளவுக்கு முக்கியம் என்று கூறுகிறது தமிழ் மருத்துவம் .

"போன கண்ணும் திரும்புமாம் , பொன்னாங்கன்னியிலே " என்று கூறும் 

போது 

பொன்னாங்கன்னி கீரை கண்ணுக்கு மிகவும் நல்லது என்பது தெரிகிறது .

நாம் காய்கள் என்று எண்ணி உண்ணும் சில கனிகள்  :

நெல்லிக்காய் கூட்டு : பாசிபருப்புடன் சேர்த்து , கொட்டைகளை நீக்கி நெல்லிக்காய் சமைத்தால் நெல்லி கூட்டு அருமையாக இருக்கும்.

அத்திக்காய் கூட்டு :  அத்திக்காய் பொரியல்  செய்தால் அதுவும் அருமை

தேங்காய் : இது சமைக்காமலே உண்பது சால சிறந்தது .

 எப்புடி எல்லாம் சாப்பிட கூடாது தெரியுமா ?

புளியில் ஊறாத காய்
ஏலக்காய் இல்லாத இனிப்பு
பட்டை போடாத பிரியாணி
மல்லி தழை இல்லாத ரசம்
கறிவேப்பிலை இல்லாத சட்னி

இப்புடி சாப்பிட கூடாதாம் !


நம்மில் ஊடுருவி நிற்கும் உள்ளூர் காய்கறி போன்று வெளிநாட்டு காய்கறிகள்

ஐரோப்பாவில் இருந்து வந்த டீ , காபி , மற்றும் தக்காளி
சிலியில் இருந்து வந்த மிளகு போன்ற காய் , மிளகாய்
சீனாவில் இருந்து வந்த முள்ளங்கி
பெர்சியாவில் இருந்து வந்த பெரிய வெங்காயம்
ஜப்பானில் இருந்து வந்த சேனை கிழங்கு
.......................................................இன்னும் நீள்கிறது இந்த பட்டியல்

நம் நாட்டின் கொடியில் விளையும் காய்கறிகளுக்கும் 
மரத்தில் விளையும் முருங்கை கீரைக்கும் 

இணையான உணவு இந்த உலகில் இல்லை 
இனி வரபோவதும் இல்லை !

( இது டாக்டர் . சிவராமன் அவர்களின் புத்தகத்தில் இருந்து எடுக்கப்பட்டது )