உடுமலைப்பேட்டை சங்கர் - படிக்க போன , லவ் பன்னுவான ?

13-3-2016 அன்று உடுமலை பேட்டையில் நடந்த சங்கர் கொலை குறித்தும் , அவரது மனைவி கௌசல்யா குறித்தும் தொடர்ந்து இந்த மாதம் முழுக்க ஏகப்பட்ட கருத்துகள் .

சங்கரின் கொலை சரிதான் என்றும் ,
கௌசல்யா போன்ற எந்த பெண்ணும் செய்ய கூடாது என்றும்
அவன் பெற்றோர்கள் அனுபவிக்கட்டும் என்றும்
எங்க ஜாதி பெண்ணை இனி எவனும் லவ் பண்ணவே கூடாது , அதுக்கு இது ஒரு பாடம் என்றும் ,
படிக்க போன , லவ் பன்னுவான ? அந்த பாவத்தை தான் அவங்க அம்மா , அப்பா அனுபவிக்கட்டும் என்றும்
அந்த பெண்ணுக்கு வேலை கொடுக்க கூடாது என்றும் ஏகப்பட்ட கருத்து மழைகள் !

ஏன் சார் ?


படிக்க போனா லவ் பண்ண கூடாதா ? அப்புடி ஒன்னும் சட்டம் இல்லையே ? ஏன் நீங்க சொல்லற பாவ , புண்ணிய கணக்குல கூட இல்ல ! தமிழ் நாட்டின் எந்த ஒரு மரபும் சொல்லல ! சொல்லி இருந்தால் வள்ளுவர் காமத்து பால் எழுதி இருக்க மாட்டார் . அகநானூறும் , குறுந்தொகையும் இங்கு இருந்திருக்காது .

 ஒரு உயிர் போனதற்காக வருத்தப்பட்ட முகநூல் பதிவுகளை விட , ஒரு ஜாதிக்காக பேசிய பதிவுகள் அதிகமாக உள்ளன. இது தான் படிப்பறிவா ? இந்த அறிவ வைச்சிகிட்டா , எல்லோரும் நான் படிச்சிருக்கேன் , எனக்கு வேலை இல்லை , இவ வேலை கேகுரான்னு சொல்லி அலட்டிகிறீங்க !

 உண்மையிலேயே இது ஜாதிய காப்பாத்ததான் நடந்ததுன்னா 8 மாதம் கழித்து நடக்காது . 8 நாட்களுக்குள் நடந்திருக்கும் .
இங்க யாரும் ஜாதி வெறி பிடித்து , தன மகளின் வாழ்வை தான் கெடுக்கும் கேட்ட எண்ணம் பிடித்தவர்கல் கிடையாது .

இந்த பிரச்சனைக்கு முன்பு 4 நாட்களுக்குள் விவாசாய போராட்டம் எழ வாய்ப்பு இருந்தது . எப்போதெல்லாம் விவசாயிகள் போராட முனைகிறார்களோ , அப்போதெல்லாம் நம் நாட்டில் ஜாதியின் பெயரால் , யாரோ ஒருவர் கொல்ல பவடுவதும் , ஜாதி பிரச்சனைகள் பெருகுவதும் நடைமுறை வழக்கமாகி விட்டது .

யோசிச்சு பாருங்க , 2013 , தருமபுரி திவ்ய காதல் திருமண பிரச்னை நடந்தது அப்போதும் விவசாயிகள் பிரச்னை நடந்தது ..
 ஜாதிகாகவெல்லாம் அடிச்சிகிற அளவுக்கு நாம் அவ்வளவு மோசமான ஆளுங்க இல்லை . கொஞ்சம் ஜாதிக்கு பின்னால் உள்ள பிரச்சனைய தேடுலாம் .